- 20 -
1421 (23. września) Wieliczka
Abraham Niger, dzierżawca żup solnych w Bochni i Wieliczce, wzywa księcia Jana II. Żelaznego, pana na Raciborzu, uwolnienia husyckich posłów etc.
— Serviciis meis predirectis, illustris princeps et domine michi agnite favorose. Intellecto vestro rescripto, in quo michi vestrum periculosum successum innotuistis, non modice sum turbatus, nam eatenus in foribus et in proximo est vestrum omne malum, sed quia eodem vestro rescripto intellexi, quia in hoc licet periculosissimo facto meo et aliorum vestrorum servorum et amicorum uti velletis consilio, aliqualiter sum recreatus, nam sapientis est libenter audire consilia, et precipue illorum, quorum oculus malicia ad partem eandem non excecavit, quia dicitur sapienter: Impedit ira animum, ne possit cernere verum. Et si principio obstitissetis et prelatorum et canonicorum vestrorum maliciosorum consilia non audissetis, forsan ad ista nonquam devenissetis. Et quemadmodum mecum convenire desideratis, congressus absque dubio dilacionem parere posset, et intermedium malum ceptum posset adaugeri. Sed prout consilium meum affectatis, ego quasi firmus et fidelissimus amicus vester vobis consulo, quatenus non obstante aliquo congressu neque obstantibus aliquibus legacionibus vel literis regis Hungarie neque aliquibus sinistris et dolosis consiliis, eosdem liberos dimittatis, vel adminus super fidejussoria caucione eripiatis alias vestrum proximum malum vobis nuncio venturum, ubi neque auxilio neque consilia neque promotiones nostre vobis poterunt suffragari quoquomodo. Nam per totam terram Polonie et omnia Lithwanie rumor magnus est et strepitus, a comitatibus ob captivitatem eorundem Boemorum loguuntur nichilominus velit rex vel nolit, nisi eos liberosdimittat, ab eadem captivitate volumus eos ulcisci, usque largifluam sanguinis effusionem, quasi ille idem (vestram denotantes serenitatem) inter nos et fratres nostros Boemos jam factam velit infringere unionem, vestras vero in eodem facto excusationes nec audire volunt, asserentes eas omnino invalidas, cum vestris civibus nichil liceat facere, nisi ex vestra licencia et mandato. Consilium meum finale est, ut eosdem dimittere debeatis, nam facile est hominem poenitentiam agere, cum adest facultas. Causas sufficientes habet vestra serenitas, nam prima causa, quia curientes magni ducis sunt, demum quia legati sunt in facto grandi rem publicam tangente ad dominum regem et ad dominum ducem magnum, et durum est stimulum recalcitrare.
Datum in VelitzkaWieliczka feria tertia post Mauricii. Anno wtc. xxi°.
Abraham Niger salis utriusque supparius.